14, ఫిబ్రవరి 2012, మంగళవారం

ఊహా సుందరి











ఊహా సుందరి
(Richard Crashaw రచనకు స్వేచ్చానుసరణ)


కాదేమో ఆమె కసాధ్యం...
అదే...గమ్యానికి చేర్చే సారధ్యం
అందాన్నే...ఆమె అందాన్నే ఊహిస్తాను
ఊహిస్తూ విశ్రాంతి పొందుతాను
ఆ వయ్యారపు నడకల
సౌకుమార్యపు కుమారినే;
అందరిపై అధికారం చెలాయించే
ఆ సుందరి ముఖారవిందాన్నే వాంఛిస్తాను

కొట్టులో చేయబడిన
కృత్రిమ బొమ్మ కాదామె

కాని ప్రకృతి కాంత కళాహస్తమే
తీర్చిదిద్దిందా సుందర ప్రతిబింబాన్ని...
పరిహసిస్తున్నాయి ఆమె నును బుగ్గలే
వికసిస్తున్న గులాబీ మొగ్గలను.

అవె ఆమె లే పెదవులు
పలుసార్లు ప్రియుని ప్రతి చుంబనం పారాడినా,
వాడిపోని చిరు పెదవులు.

ఆమె కనులో!
వానిలోంచి ప్రచురించే క్రీగంటి వాలు చూపులే
వజ్రపు వెలుగునే వెలితి చేస్తాయి
కాంతి గోళములనే కించపరుస్తాయి...

ఆమె దరహసితములె
ఉత్తేజ పరుస్తాయి
రక్తాన్ని ఉరుకలెత్తిస్తాయి
పవిత్రత నింపేస్తాయి...

ఆమె శరీరపు ఒంపుల్లోనే
నిండి ఉంది ప్రకృతి సొంపు.

అలంకార భూషణాదు లక్కర లేదామెకు
ఆమెను గురించి రాయాలంటే
అవుతుంది ఒక మహాకావ్యం
ఆమెను గురించి చెప్పాలంటే
ఒక్క ముక్కలో ఆమె కామెయె సాటి.

ఆ సుందరి దివ్య కాంతియే
ప్రతిఫలిస్తోంది ప్రతిక్షణం నా కనులలో...
కల్పనే కావచ్చు యిది అంతా,
కాని; కావచ్చు, ఇదే కావ్యానికొక వస్తువు.


*****************



ఇష్టపడే వారందరికీ ఈ పాట..... ఈ రోజు......




********************************************************************************




8 కామెంట్‌లు:

రాజ్యలక్ష్మి.N చెప్పారు...

"ఊహా సుందరి" బాగుందండీ..
పాట కూడా బాగుంది!

వనజ తాతినేని/VanajaTatineni చెప్పారు...

మగువే కదా మగవానికి మధుర భావన. కవుల కల్పనలోను,కావ్య నాయికగాను.. ఊహలలో.. ఊరించి,వేదించి,సాక్షాత్కరించిన "ఆమె" మీ కవితా వస్తువైనదన్నమాట ఈ పూట. మాకు.. ఈమెలో.. మనస్విని..అపురూపంగా ఇమిడి మదిసోయగం అనిపించింది.

♛ ప్రిన్స్ ♛ చెప్పారు...

బాగుంది అండి

జయ చెప్పారు...

@ రాజీ
@ వనజ గారు
@ 'తెలుగు పాటలు' గారు
మీ అందరికీ నా హృదయపూర్వక ధన్యవాదాలు.

Unknown చెప్పారు...

ఊహాసుందరిని వర్ణించటం అంటే మాటలు రావెవరికైనా...చాలా చక్కగా మాటల్లో వర్ణించారు, చాలా బాగుంది.

జయ చెప్పారు...

చిన్ని ఆశ గారు ధన్యవాదాలండి.

శివరంజని చెప్పారు...

నా గురించే కదా జయ గారు రాసారు ...నాకు తెలుసు మీరు ఇంత అందంగా రాయగలిగారు అంటే అది కేవలం నాగురించే అని :P ........ పోస్ట్ sooooooooooooooooooooooooooper

జయ చెప్పారు...

Yes, my dear...it is about Shivani:)

 

మనస్వి © 2008. Template Design By: SkinCorner