స్నేహమా!

స్నేహమా! వెన్నెల దీపమా!
నా అల్ప జీవితంలో ఎగిసిపడే
భావతరంగం నీ పరిచయం

నా గుండె లోగిలిలో.....
మమతల మకరందాన్ని పంచి,
అనురాగపు జ్యోతుల్ని వెలిగించిన
నా స్నేహ సుప్రభాతమా!....నువ్వెక్కడ?

నీ చిరునవ్వు కుసుమాల పరిమళం,
నన్నింకా వీడిపోకముందే
నా కనురెప్పల క్రింద
నీ జ్ఞాపకాల జలపాతాన్ని మిగిల్చి తరలిపోయావ్!

నిజం మిత్రమా!
ఏ అర్ధరాత్రో.......
నీ అనురాగపు అలికిడి ఆర్తిగా వినిపించినప్పుడు
నువ్వు రావన్న దిగులుతో,
నా దు:ఖం ముక్కలై ...ఏ ముత్యపుచిప్పలోనో
ఎక్కడెక్కడో రాలిపడింది......




**********************************************************************************************************************************************