విరిసే పువ్వు

ఇంకా విరియనూ లేదు ఈ మొగ్గ

ఏ పురుగు వచ్చి వాలుతుందో నని

తన ఆకుల కౌగిట హత్తుకొంది చెట్టు

కాని అప్పుడప్పుడే వికసిస్తున్న మొగ్గలోని

పరిమళాలను ఎవ్వరాపగలరు?

పట్టులాంటి మెత్తని పూరేకులు

పరిమళంతో పాటు విచ్చుకున్నాయి

తన అందమే తన పాలిట శాపమైనట్లు

అందరి దృష్టి ఈ సుకుమారి పువ్వు పైనే

తన ఇష్టంతో ప్రమేయం లేకుండా

తుమ్మెదలు తనపై వాలాలని ప్రయత్నిస్తున్నాయి

తనకు ఇష్టం లేకుండా ఎవరో వొచ్చి

త్రుంచే ప్రయత్నం చేస్తున్నారు

ఒక రోజు ఎవరి తలమీదనో మెరిసే కన్నా

శాశ్వతంగా తన దేవుని పాదల చెంత

మురిసి పోవడమే ఈ పువ్వు లక్ష్యం.

వాడి పోతానని తెలిసినా

వికసించక మానదు పువ్వు

ఓ అందమైన పూవా!

నీవు అందం...నీ మనస్సు అందం...

నీ మనస్తత్వాన్ని సువాసనలతో వెదజల్లుతావు

నీ వంటి మనస్సు మాకుందా!

************************************************